12/7停機公告
HOT 閃亮星─花奈調整信箱公告耽美稿件大募集

自介U•ェ•*U

最近回來一陣子,主要是把兩年前的坑填好,説的就是《謝謝你,我的腐女神助攻》。

出生地:香港

香港是我的家,是讓我很有安全感的地方,近一年多來發生的事對我、對香港很多人都造成不同程度的影響。如果你有看關於香港的新聞或是想瞭解更多的話,可以在我任何一本書下面留言跟我要twitter,或是在這邊聊也沒問題。

也請關注我的小説2047,希望能帶給大家一個更完整的香港實錄。

年齡:11月生,中五(高二)

喜歡的音樂:目前最喜歡的音樂人是Billie   Eilish,在五音不全那邊也有我對她以及其他人的音樂的小小心得哦。音樂是做功課、搭車的好夥伴,沒有帶耳機出門可能會崩潰的(;´д`)ゞ

對於音樂是雜食性(?)主要是聼歐美和日本的,喜歡女聲:P

台灣也會聼,大推盧廣仲~

我是一個不怎麽運動的人,主要是不擅長,不過最近嘗試了ring   fit之後就覺得一個禮拜有幾天最少玩30分鐘消耗熱量平衡一下我愛吃的垃圾食物。

吃東西是我的一大嗜好(?)平日放假喜歡的活動也是掃街(   •̀   ω   •́   )✧

放鬆的時候除了玩手游還喜歡看劇,會看netflix的歐美劇集台劇日劇。

目前最喜歡是Netflix的La   casa   de   papel,一齣西班牙犯罪推理,譯名叫紙房子,改天會在五音不全那邊介紹,也已經寫了對於無法成爲野獸的我們的觀後感。

韓劇只有追完來自星星的你,看過幾集愛的迫降,對我來説劇情有點拖太長,雖然玄彬很帥沒錯啦ԅ(¯﹃¯ԅ)

想擼貓的腐腐的自介到這裡,有什麽想問我的也可以隨意留言~

這一年多我的創作方向有十分大的變動,不論是類型還是風格。書評方面因爲學業的關係關門,也許有天心血來潮就會重開,不過好像也沒有單了。《就愛五音不全》是偏向日常介紹的地方。

至於《謝謝你,我的腐女神助攻》定期已完結,歡迎大家評論。

以下介紹我用Popo幾年内的熟人,謝謝他們給了我創作上很大的動力(❤´艸`❤)

琉璃扣

琉璃又俗稱神龍,現在和琉璃掛名在我那邊寫評文,常在接單的是我......

妙夏

熱情的腐女同好,超好聊,也經常來分享上班和生活中的BL(/▽\)

棠憶青

有遠大理想的姐,常和我分享生活中的大小事和互相交流寫作的意見。

現在搬家了,不定期會回來。

言俞

也有在開書評,我們之前合作過一次(o゚v゚)ノ

愛情小說有著少女心,喜歡暗戀情節的不要錯過(´艸`)

P.S.老實說最近生活中負能量和壓力居多,新的一年還是希望把正能量放到文裡跟大家分享ヾ(´∀`。ヾ)

謝謝那些一直陪伴我成長的作者和讀者們(鞠躬)

回作家的PO下一篇

回應(105)

1 2 3 4 5 6 7 8 9 10

我今日心情都真係唔太好,畀公司炒咗喇……雖然已經預知到呢個可能性,不過話唔hurt就有鬼啊。(老實講仲真係幾激氣嘅,不過無計)
就係石峽尾嘅公屋,樓下office樓上民居咁嘅,有D似舊區嗰D前鋪後居嘅鋪位。
一直都覺得LS係掛羊頭賣狗肉,望住班高官就覺得一個一個都係食軟飯嘅做唔到咩實際嘢(望天)
確實自己想寫就係最大嘅動力喇,時無大小寫一下都總係好嘅!不過我似乎搵人十卜都無咩用,畢竟好多人睇文章評論都屬於千篇一律嘅,呃……如果係本身無咩內涵嘅嘢就算喇,但當自己認真寫咗喇人哋就仲係咁覆嗰陣心理落差就好大啊。
我係冷坑專業戶,有無人覆全看彩數(望天)
後來我聽番人講嗰個阿姐名聲其實唔好,頓時覺得開心咗好多(?)反正唔使番去喇,不如老老實實等收錢,調整狀態之後再搵過份啦(笑)
2020-09-09 23:42 透過電腦版 回應
所以話社會真係好陰暗。
不過都證明咗呢間公司唔適合你,早啲走都算係多啲時間搵份好啲嘅新工。
原來係咁,可能係民居chur曬啲Wi-Fi
LS講嘅係一啲theory嘅嘢,我覺得幫你睇多啲新聞同分析係最有用嘅一part,其餘就會outdated,因為每一刻個世界都邊緊啦,香港就係最好例子(唉
我嘅動力係靈感到又得閒就即刻去寫寫,或者諗到啲好正嘅題材嘅話。
不過而家上堂上足全日又有功課又有考試,真係唔慌唔壓力大。
有啲真係純粹為吸引你去fol back 嘅留言,不過最近都好少啦。
有人可以啱channel咁傾就好好,不過真係寫呢兩三年冇點遇過QQ
係咪old Seafood,唔使對著佢都係開心嘅事,大家身邊都有啲好難頂嘅人,冇辦法。
慢慢調整狀態,祝你搵到份荀工啦!(´▽`)
2020-09-11 17:25回覆

無冷氣都無計,我手機喺office度根本就同廢機無分別……電話都打唔到!訊號太差喇!(暴躁)
老實講我覺得通識呢科就係flight人嘅,可唔可以唔好咁包羅萬有啊,尤其國安法推出之後再聽律政司D鬼話,覺得自己高中時期上嘅都係假堂。
題外話,IES真係好煩,感覺升咗專上之後D論文都係咁麻煩啊。
寫作動力呢個真係……唉,其實寫起上嚟都仲係開心嘅,只不過見到無人理就覺得自己喺度做緊獨腳戲,唔明自己寫嚟為咩……但有時又會諗本來就係自己想寫嘅,最緊要自己寫得開心掛。不過偏好某幾種題材都唔係只有一個網站嘅問題啦,我喺lofer寫受同人都無幾個人睇,然後有人留言喇又覺得人哋講嘅係廢話(好啦我知道我要求多)
我想做貓貓,我要食飽就瞓飽就玩玩累喇就可以喺陽光底下hea!
想去旅行+1,去邊都好啦……
話說今日放工嗰陣頭一次認知度office裡真係有鍾意背地打小報告嘅人,針對新人好玩咩(黑線)就係清潔阿姐同埋其他同事同我講番隔離部門嘅阿姐投訴我,當場O咗。
反正我無feel,佢投訴就投訴啦(入定)佢投訴D咩我都費事理喇,知道咗咩自己搵嚟嬲。
2020-09-08 20:01 透過電腦版 回應
你間公司究竟有幾偏僻XD
我覺得通識啲skills係除咗elective英文之外比較有用嘅科,睇下而家啲「高官」就知道佢地有幾需要獨立思考能力啦。
政治個啲學黎都冇用,世界變得太多啦。
IES其實係pre論文,個模式據老師講係差唔多,唔想做但係咁cut法又真係嬲。
我覺得自己想寫係個原動力,讀者嘅回應係繼續落去嘅燃料,冇人睇真係好lonely,唯有同其他人互相十卜啦。
同人呢家嘢真係睇你個坑heat唔heat,排少同人好多同好好睇,我就冇用lofter,留言呢家嘢XD
我想養貓貓但我冇錢(喊出黎
香港人真係好需要一個大假!!!
職場上好多呢啲人,睇你運氣好唔好,真係咩都冇做都會比人針對勁慘。
想知阿姐有咩可以投訴,可能新仔對於佢黎講好恰(我都問號
唔好理佢啦,太在意人地自己心情都唔好過(._.)
2020-09-09 20:05回覆

我而家每日嘅最大娛樂就係龍族幻想,雖然又呃氪金而且更新越嚟越廢,但真係無點諗過棄坑,反正我一分錢都無畀過啊,就係比較肝(遠目)仲有睇吓漫畫睇吓文咁啦,嘻嘻。
開咗學個Feel點啊,話哂你都F.6喇應該淨係操卷都趕頭趕命,聽到今年IES都仲係無得取消,我當時就喺度諗咁無做嘅人應該點搞,不如做咗嘅嘅計分無做嘅就算喇。(真心覺得政府攞嚟搞……)
我前幾日畀同事講到壓力勁大,都喊哂口面喇,直到第二日先get到自己諗咁多把鬼啊,無必要即日清嘅就跟自己節奏做嘢!(然後一比較覺得自己超級幸福,優越感要爆炸喇)
而家學識咗喇,食完lunch就去打機,勁爽(不過一定要去出office,office咩都好就係網唔好)
反正我D文都無人覆嘅,都唔知有無讀者呢家嘢存在喇,咁不如做隻咕咕咕嘅白鴿啦(講穿就係懶)
 
2020-09-06 19:15 透過電腦版 回應
我都係唔會課金嘅人,除左冇錢都唔會太投入係game到。
最大嘅喜好係抽卡,已經習慣咗非洲QQ
開學非常忙碌,操卷未算好chur,上全日加break時間短比較辛苦。
IES淨係交AB part我真係做左都寧願佢cancel,完全係本末倒置。
呢個政府就係咁,只會擾民。
人云亦云係最可怕,所以我都好少聽人地點講,努力過好自己先啦唉。
但係出面冇冷氣XD而家就黎連打機時間都冇。
好想去旅行啊啊啊!
冇人覆個寫作動力真係會慢慢下降,冇辦法popo真係好偏某幾類嘅題材,以前識得嘅都走,所以我都想走啦。
下世做隻貓或者白鴿都唔錯,唔使煩惱咁多ε-(´∀`; )
2020-09-08 15:59回覆

感覺無咩心機去更文﹐得閒就寫吓片段之類﹐啊手遊魅力太大喇(掩臉)
呢層倒係無咩所謂﹐反正無人望我電腦啊﹐蛇皇真係爽(趴)
末日都無計﹐就算移民左咪都係由一個末日轉去另一個末日(嘆氣)真係搞定自己先講其他啦。
有地方落腳就講吓啦﹐反正我去邊都ok(笑)
 
2020-08-31 13:02 透過電腦版 回應
我都係QQ手游係每日娛樂之一。
不過預計剩翻三章就可以完結,唔想拖落去。
蛇皇係工作不可或缺嘅一部分(哈
你啱,雖然想逃避但其實好多嘢都無得逃避。
好啊,阿木隨緣更新住先啦XD
2020-09-01 17:39回覆

互勉之啦,不過我覺得你比我辛苦多喇,至少我無home office,成日喺屋企上網堂係真嘅惡頂(仰天長嘯)
表示唔敢開YouTube,雖然個位主要都係我一條友做嘢,但係成日都有人出入,總唔好開住部電腦焚機掛
三個鐘堂呢個就算係平日課室上堂教夠難喇,網堂仲要攞命,就算中間有break上完之後都覺得自己變咗行屍走肉啊(感覺唔使想像末世文D僵屍係咩樣喇,對住塊鏡有樣睇)
對於香港未來表示無咩嘢好講喇,畢竟咩到廢嘅,唯有抱住希望苟延殘喘啦(蟻民式掙扎)
有無諗過去邊個網站啊,可以約埋一齊搬過去!
當然可以叫阿木啦!私人訂製專屬稱呼最正㗎喇!

 
2020-08-28 17:52 透過電腦版 回應
辛苦呢啲嘢冇得比嘅。
無home office比較危險。
好似有啲係電腦快速切換介面嘅skill,可以去search下XD
通常啲break都係攞咗去教書QQ
香港同呢個世界已經夠末日(厭世
唯有顧掂自己生存先啦,我地都係小蟻民唉
可以,等我準備走就同你講(賣個關子)
阿木翻工寫文都有加油,俾多啲時間自己抖ε-(´∀`; )

 
2020-08-30 15:40回覆

好久不見了小紙﹐我近來真的沒怎看popo了……(必須強調我沒死﹐只是開始上班族生涯了)
現在在用公司電腦留言簡直不要太爽﹐擺明公器私用(理直氣壯)
現在上網課上成什麼樣子了﹐我前段時間上到都快自閉了且記恨上zoom(有事沒事都不來找它了)
最近寫的文都是手遊相關﹐還有香港城擬……小說寫得超慢﹐還是隨緣更了。
2020-08-22 10:58 透過電腦版 回應
真係好耐冇見QQ
上班族辛苦了,我而家準備DSE,大家都有各自加油(唉
公司電腦冇分公私用,我見好多人都係用嚟睇YouTube
我三個鐘一堂,大家都表示好想死,zoom定meet都放過我啦。
我而家係週更,諗住寫完就quit popo專心讀書了,不過之後可能去第二個網繼續寫。
香港而家越黎越荒謬,暫時做到嘅係文宣。
阿木都有共勉之(可唔可以咁叫XD
2020-08-27 16:39回覆

我覺得玄彬長得很普通,然後我一直注意到他的下巴很尖不自然,似乎有整形
(就為了吐槽玄彬跑來留言XDDD
2020-05-25 11:22 透過電腦版 回應
玄彬的長相剛好踩中我喜歡的綫,所以當時看劇的時候還挺喜歡的,不過脫離劇又是另一回事了XD
整形方面我沒有研究欸,你看得真仔細www
沒關係啦自介就是一個這麽free的地方。
 
2020-05-25 11:48回覆

單純係攞經驗咁啦……我傾向喺番香港做嘅,喺大陸做嘢應該都幾煩(托腮)
唔清楚而家情況所以不予置評,不過政府呢鋪唔收拾爛檔都唔得喇。
2019-06-21 22:25 透過電腦版 回應
嗯嗯,話説我而家仲未有好確實想做的工。
而家政府同市民應該都係要打持久戰啦......
2019-06-24 10:48回覆

非也非也,我今次係喺廈門實習一個月!政府就作死啦,官逼民反啊!
我都會認床不過出面瞓一樣可以一覺瞓天光……天大地大點講都要瞓覺啊。
2019-06-20 12:23 透過電腦版 回應
原來係甘。
係將來工作ge實習?定係你都會翻香港做?
而家睇政府官員射波割蓆割到地核真係啼笑皆非。
2019-06-21 18:24回覆

我比你仲衰仔啦,而家人都唔喺香港,連post都轉唔到……(嘆氣)
我無點留意水,因為去杭州嗰陣完全唔夠時間行西湖!蘇州都唔記得行咗d咩喇(喂)
鴨嘅話我仲OK。
而家都超掛住阿媽啊點搞,一條友喺廈門有d悶。(下個禮拜都係去搵景點行吓啦……)
我而家喺酒店瞓得唔算特別好,果然龍床不如狗竇(雖然係一覺瞓天光啊但實際上真係唔算瞓得好好)
2019-06-16 18:00 透過電腦版 回應
個日去游行作爲200萬+1人ge其中一個都覺得好感動,奈何政府ge態度真係令人火滾。
你最近都係中國旅行?甘開心ge
我係會認床個type,只可以話旅行個幾日太累先可以一訓到天光。
 
2019-06-20 09:46回覆
1 2 3 4 5 6 7 8 9 10