全新功能「收藏作家」上線啦!
HOT 閃亮星─肆夕耽美稿件大募集

呢度係香港?(口語)

相信大家都知最近香港發生咩事:香港病了。

6月9日,103萬名市民上街示威,要求撤回逃犯條例。

6月12日及13日,大量組織同學生發起罷工罷課,到金鐘一帶示威。

唔知點解,民眾示威要求撤回逃犯條例嘅同時,慢慢演變成警民衝突。

警察喺冇黑旗警示下開槍,施放大量催淚彈,亂打進行採訪嘅記者...

呢幾日,我不斷同師弟師妹,仲有同學講解逃犯條例係咩一回事,所以我亦唔想喺度多講。

但其實我自己都有好多疑惑。

逃犯條例有咁多漏洞,點解政府堅決唔撤回?

修訂逃犯條例嘅原意已經冇咗,點解仍然要推行?

點解香港政府可以無視所有嘅香港人?

唔單止係香港人,甚至係全台灣,全亞洲,全世界嘅人?

乜香港政府真係咁自私㗎咩?

仲有,一開始的確有少部分嘅示威者引起騷亂,警方明明有能力用較為溫和嘅手法去制止

點解佢哋仲要攻擊手無寸鐵嘅示威者?

用大量催淚彈去對付手無寸鐵嘅學生?

喺毫無警時下用槍掃射手無寸鐵嘅示威者?

明知對方係記者,仍然要不斷用警棍同埋胡椒噴霧攻擊對方?

乜香港警察係咁㗎咩?

警察唔係負責保護市民咩?

我有同學去咗參與示威,返到嚟嘅時候,把聲變哂...

有人嘅媽媽,舒舒服服咁樣坐喺辦公室,話自己畀人冤枉,話佢畀人話自己喺度賣港。

亦有人嘅媽媽,企喺路中心,希望警察可以收手,唔好再咁樣暴力對待啲示威者。

而然,有人嘅媽媽換嚟嘅,係畀警棍暴力對待。

呢度唔係香港,係亂港。

(p.s.純粹想抒發內心感情,如果有任何錯漏歡迎喺留言度糾正,最後亦希望大家可以同香港講聲「加油」。)

上一篇回作家的PO下一篇

回應(2)

香港加油
現實中真係好無奈,覺得自己好無力,知道好多人係呢個無理制度下被自殺。
三萬thx,黑警死全家係每日都講緊,會諗ge野,仲有點反抗呢個政權同背後更加凶惡ge CCP。
但係而家呢個狀況,我地做ge可能係撐黃色經濟圈,網上文宣,簽名師等等。
明白前路並不樂觀,好多挑戰等緊香港同香港人,我地都會一齊加油,帶埋離開左ge人一齊加油。
好可惜太遲睇到呢篇,不過睇下個陣大家要撤回ge希望,都覺得自己有少少可笑。
無論點,醒覺都係一件好事。
你都要加油啊。

 
2020-05-17 21:03 透過電腦版 回應

林鄭又可以視而不見幾耐?
既然佢話為香港好、
咁就只能希望佢良心發現、及早撤回。
香港一定會平安。
103萬唔會就咁放過逃犯條例。
2019-06-14 14:14 透過電腦版 回應
相信唔只係103萬,係700萬
2019-06-14 15:56回覆